డ్రైవింగ్ చేసే ప్రతీ ఒక్కరికీ విన్నపం.

డ్రైవింగ్ చేసే ప్రతీ ఒక్కరికీ  విన్నపం.

ఖమ్మం, అక్టోబర్ 07, బిసిఎం10 న్యూస్.

దసర పండుగ సందర్భంగా తమ సొంత ఊళ్లకు వెళ్లే ప్రతీ ఒక్కరికీ ముఖ్య గమనిక. ఈ భూమి పై మరో జన్మ పొందటానికి తల్లి గర్భంలో తొమ్మిది నెలలు వేచి చూడాలి. నడవడానికి 2 సంవత్సరాలు, స్కూల్ కి వెళ్ళడానికి 3 సంవత్సరాలు, ఓటు  హక్కు కై 18 సంవత్సరాలు, ఉద్యోగం కోసం 25 సంవత్సరాలు, పెళ్లికోసం 25 నుండి 30 సంవత్సరాలు, ఇలా ఎన్నో సందర్భాలలో (వెయిట్) వేచి ఉంటాము. కానీ ఓవర్ టేక్ చేసే సమయంలో, వాహనాలు నడుపుతున్నపుడు 30 సెకన్లు కూడా ఆగలేక పోతున్నాము. తర్వాత తప్పిపోయి ఏమన్నా ఆక్సిడెంట్ అయితే హాస్పిటల్ లో గంటలు, రోజులు, వారాలు, నెలలు, అవసరమైతే సంవత్సరాలు కూడా కోలుకోలేని పరిస్థితి. కొన్ని సెకన్ల గడబిడ ఎంత భయంకరమైన పరిణామాలు ఎదుర్కొంటున్నారో ఆలోచించండి. ముందు వెళ్ళేవాడిని వెళ్లనీ, వెనకాల హాయిగా వెళ్లిపోవచ్చు. దయచేసి సరైన వేగం, సరైన దిశలో ట్రాఫిక్ నియమాలను పాటిస్తూ, హెల్మెట్ వాడుతూ, వాహనాలు నియంత్రణలో ఉంచుకొని  నడపండి, సురక్షితంగా మీ గమ్యాన్ని చేరుకోండి. మీకోసం, మీ కుటుంబ సభ్యులు, మీ పిల్లలు ఇంటి వద్ద ఎదురు చూస్తుంటారని మరవకండి.